Library - Hei tīmatanga i te Whare Pukapuka
Summon finds books, ebooks, journal and newspaper articles, and ScholarlyCommons items, with a single search. It is a great starting point for your research.
Learn more
Hei tīmatanga i te Whare Pukapuka
Pāwhirihia tēnei mō te kape e āhei ai te tā.
Rāhuitanga Kaupapa Ako
Ko te rāhuitanga kaupapa ako he kohinga pānuitanga matua kei te tino hiahiatia. Ka taea ēnei mea te kimi mā te Pepa, te Nama, te Kaiako, mā te Tari rānei. E wātea ana ēnei mō te rua haora i roto tonu i te Whare Pukapuka.
Rāhuitanga-ī
Ko te rāhuitanga-ī he kohinga pānuitanga āpiti mō ngā kaupapa ako, ngā wāhanga pukapuka, ngā wāhanga hautaka, me ngā tuhinga kōrero kua mau-ā-rorohiko. Ka taea ngā tuhinga o te rāhuitanga-ī te whakapā mā te whakarārangi o Voyager (mā ngā kaimahi me ngā ākonga o AUT anake).
Ka taea ngā kaimahi me ngā ākonga o AUT ngā pukapuka kei ētahi atu whare pukapuka LCoNZ te tono mā te Whakarārangi Whare Pukapuka. Anei ngā whare pukapuka LCoNZ:
- Te Whare Wānanga o Otāgo
- Te Whare Wānanga o Waikato
- Te Whare Wānanga o Te Ūpoko o Te Ika.
Mō ētahi atu kōrero e pā ana ki te Tono Tōtika tīkina he riunga pepa Tono Tōtika i te Tēp ū Tono, whakapā atu rānei ki Document Supply i distlib@aut.ac.nz.
Ngā Haora
Rāhina ki te Rāmere 8am – 10pm
Rāhoroi & Rātapu 10am – 6pm
Mō ngā rā whakatā o te hemeta me ngā hararei t ūmatanui tirohia:
Opening Hours
Kōrero Whakapā
Te Whare Ako o Te Taone
Papa 4 Whare WA
Te Huarahi o Wellesley
Te Pokapu o Tāmaki-makau-rau
W 921 9999 toro 8628
Te Whare Ako o Te Raki Pae Whenua
Whare AL
Akoranga Drive
Northcote
Te Taone o Te Raki Pae Whenua
W 921 9999 toro 7701
Tāu kāri Whare Pukapuka
Ko tāu kāri ākonga AUT tāu kāri whare pukapuka hoki. Ko tāu hiporete rorohiko ko tōu rā whānau (te rā me te marama anake, hei tauira, 05aug).
E rua ngā kaute e pā ana ki tāu kāri ākonga. Arā, te kaute ipurangi me te kaute mō te tānga me ngā kape whakaahua.
Kaute ipurangi
Ka whakarerekētia ngā utu mō te ipurangi. Ka hoatu te $1 ki to kaute i te tīmatanga, ā, ka tangohia p ūtea i a koe e hono ana ki te ipurangi. Ka tangohia p ūtea mō ia mekawarunga ka tukuna ki a koe.
Kaute tānga me ngā kape whakaahua
E 8c mō ia whārangi mō te tānga. 10c mō ia whārangi A4 mō te kape whakaahua.
Tuhinga Whare Pukapuka
He whakahirahira: ka tukuna katoahia ngā tuhinga whare pukapuka ki a koe ki tāu karere rorohiko. Ina kore koe e whakamahi ana i tērā, me whakarite e koe te tuku meira ki te karere rorohiko e pai ana ki a koe. Kei te Tēpu Tono ngā tohutohu mō taua whakaritenga.
Te Tono me Te Whakahou
Haria ngā taonga e hiahia ana kia tonoa ki te Tēpu Tono me tāu kāri tuakiri. Kia kitea he aha ngā pukapuka kei a koe, mō ā hea ngā rā whakahoki, me pēhea rānei te whakahou, tirohia te paetukutuku o Te Whare Pukapuka, http://www.aut.ac.nz/library. Kōwhiria Catalogue>Login kia kite ai i tō rekoata whaiaro.
Ngā Wā Tono
E pā ana ki ngā pukapuka o te kohinga matua, Ko te kī taurangi wāpoto: kei a koe te pukapuka mō ngā rā 14 te roa. Ka pau tērā wā ia koe, ka taea te pukapuka e te whare pukapuka te karanga kia whakahokia wawe tonutia. Ka taea anōtia ngā pukapuka kua whakahoua te karanga kia whakahokia wawe tonutia. Ka tukuna he pānui ki tō karere rorohiko kia mōhia ai koe me whakahoki te pukapuka.
Ngā Whaina
Me whakahoki me whakahou rānei ngā taonga i te wā tika. Ki te kore ka whainahia koe. Ko te 25 heneti te utu ia rā mō ia taonga. Ko te $3 ia rā te utu mō ngā taonga kua karangahia ki te whakahoki. Ko te whaina mō ngā taonga o te rāhuitanga kaupapa ako he 5c ia miniti. Inā kore koe e whakautu i āu whaina ka aukatihia āu tono. Ka aukatihia anōtia ngā putanga whakamātautau o ngā ākonga kāore e whakautu ana i ā rātou whaina, e te Rokiroki Kōrero. I a koe e whakahou ana i ngā taonga i te ipurangi me āta titiro ki te rā whakahoki hou. Ka taea anōtia ngā taonga te whakahou mā te waea, i te Tēpu Tono rānei.
He Karanga Whakahoki
Mehemea kua riro kē tō taonga ka taea e koe te karanga kia whakahokia mā te īnoi i te whakarārangi o Voyager, ka taea rānei te pātai atu ki tētahi kaimahi o te Tēpu Tono.
Īnoi Whakawhiti Whare Ako
Ka āhei te tono mō ngā pukapuka o ngā whare ako e rua. Ki te wātea te pukapuka i tērā atu whare ako, ka tukuna kore utu ki te whare ako ka tuhia e koe ki runga i te pepa tono māu hei tiki mai.
Te Whakatomo-ā-ipurangi 24x7
Mahia tō whakaurunga ipurangi me tāu hiporete hei whakatomo atu ki ngā putunga hōtuku me ngā hautaka-ī.
Mō te rehitatanga ipurangi-ā-ākonga mai roto i te whare ako:
http://webadmin.aut.ac.nz/studreg
Mō te whakawhiti mai tawhiti:
http://distance.aut.ac.nz/studreg.cgi